Kaliforniya shtatida AQShda birinchi bo‘lib plastik paketlar man etiladi. Bu haqda “TASS” xabar bermoqda.
Shtatda plastik paketlar ishlab chiqarilishini man etuvchi qonun mahalliy senat tomonidan 2014-yilda qabul qilingan va gubernator Jerri Braun tomonidan imzolangandi. Biroq hujjat joriy yil 8-noyabrda o‘tkazilgan referendumdan keyingina kuchga kiradi.
Uni ovoz bergan kaliforniyaliklarning 51,97 foizi qo‘llab-quvvatladi. 2007-yili Kaliforniyaning yirik shaharlaridan biri — San-Fransisko plastik paketlardan voz kechgandi.
Ma’lumot uchun, Bangladesh 2002-yili plastik paketlar ishlab chiqarilishini to‘liq man etgan dunyodagi ilk mamlakat bo‘ldi. O‘sha yili bunga Hindiston ham ergashdi. 2011-yildan beri bunday taqiq Keniyada to‘liq, 2008-yildan Xitoyda, 2016-yildan esa Fransiyada qisman amal qilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)