Калифорния штатида АҚШда биринчи бўлиб пластик пакетлар ман этилади. Бу ҳақда «ТАСС» хабар бермоқда.
Штатда пластик пакетлар ишлаб чиқарилишини ман этувчи қонун маҳаллий сенат томонидан 2014 йилда қабул қилинган ва губернатор Жерри Браун томонидан имзоланганди. Бироқ ҳужжат жорий йил 8 ноябрда ўтказилган референдумдан кейингина кучга киради.
Уни овоз берган калифорнияликларнинг 51,97 фоизи қўллаб-қувватлади. 2007 йили Калифорниянинг йирик шаҳарларидан бири — Сан-Франциско пластик пакетлардан воз кечганди.
Маълумот учун, Бангладеш 2002 йили пластик пакетлар ишлаб чиқарилишини тўлиқ ман этган дунёдаги илк мамлакат бўлди. Ўша йили бунга Ҳиндистон ҳам эргашди. 2011 йилдан бери бундай тақиқ Кенияда тўлиқ, 2008 йилдан Хитойда, 2016 йилдан эса Францияда қисман амал қилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)