“Barselona” hujumchisi Lionel Messi kataloniyaliklar bilan shartnomasini uzaytirmasligi haqida ma’lum qildi, deb xabar bermoqda “Chempionat”.
Xabarda qayd etilishicha, argentinalik futbolchi yozda oilasi bilan dam olayotganida ushbu qarorni qabul qilgan. Messi yaqin tanishlaridan biri va otasidan bu haqda “Barselona” rahbariyatiga ma’lum qilishni so‘radi.
29 yoshli futbolchi “Barselona”da 2018-yilning yoziga qadar davom etadigan shartnomasining oxirigacha o‘ynamasligi mumkinligini istisno etmayapti.
Messining qaroridan xabar topgan “ko‘k-anor ranglilar” prezidenti Xosep Mariya Bartomeu tashvishga tushdi va argentinalik futbolchidan rejalari haqida yaxshilab o‘ylab ko‘rishni so‘radi.
Avvalroq Lionel Messi futbolchilik faoliyatini o‘zining birinchi klubi – Argentinaning “Nyuellz Old Boyz” klubida yakunlamoqchi ekani hamda kataloniyaliklar bilan yangi shartnoma imzolansa, u yerga ketish imkonini beruvchi bandning kiritilishini istayotgani haqida xabar berilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)