Kosovo politsiyasi futbol bo‘yicha JCh—2018 saralash turnirining Albaniya va Isroil terma jamoalari o‘rtasidagi o‘yin chog‘ida terakt uyushtirishga tayyorgarlikda gumon qilingan yana 7 kishini qamoqqa oldi. Bu haqda “TASS” xabar bermoqda.
8-noyabr kuni terakt xavfi tufayli o‘yin Albaniyaning Shkoder shahridan Elbasan shahri stadioniga ko‘chirilgan, 8 kishi hibsga olingandi.
AFP agentligiga ko‘ra, futbol uchrashuvi davomida terakt uyushtirish Albaniya va Makedoniyada qo‘poruvchilik qilishni rejalashtirgan jinoyatchilarning maqsadlaridan biri bo‘lgan, xolos.
Ma’lumot uchun, Albaniya va Isroil terma jamoalari o‘rtasidagi o‘yin 12-noyabr, shanba kuni bo‘lib o‘tadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)