AQSh fond birjasi 9-noyabr, chorshanba kuni Donald Trampning prezident saylovlaridagi g‘alabasi haqidagi yangiliklar fonida manfiy ko‘rsatkichlarda ochildi, deb yozadi “RBK”.
AQShning asosiy fond indekslari Toshkent vaqti bilan 9-noyabr, 19:30 da savdolar ochilgan paytda 1 foiz chegarasida pasayishni ko‘rsatdi, ammo keyinroq Dow Jones o‘sishga o‘tdi. NASDAQ indeksi 0,36 foizga, S&P indeksi esa 0,25 foizga pasaydi.
Neft narxlari kun davomida o‘zgaruvchanlikni namoyish qilgan bo‘lsa, kechga kelib, barqarorlashdi. Brent markasidagi neftning yanvar fyucherslari Londonning ICE Futures birjasida 19:46 ga kelib, 0,22 foizga arzonlashdi va barreliga 45,94 dollarni tashkil etdi. WTI dekabr fyucherslari kotirovkalari esa Nyu-York tovar birjasida 0,38 foizga — barreliga 44,78 dollargacha pasaydi.
Izoh (0)