Donald Tramp Nyu-Yorkdagi saylov shtabida o‘z tarafdorlari oldida chiqish qildi. Meduza’ning yozishicha, u barcha amerikaliklarga, xususan, saylovda unga qarshi ovoz berganlarga ham prezident bo‘lishga va’da berdi.
AQShning yangi saylangan prezidenti u rahbarlik qilayotgan davlat bilan aloqalarini yaxshilash niyatida bo‘lgan barcha davlatlar bilan munosabat o‘rnatishini ta’kidladi.
O‘z navbatida, “munosib kurash olib borgani uchun” saylovdagi raqibi, demokratlar vakili Hillari Klintonga ham minnatdorchilik bildirib o‘tdi.
“Bizda iqtisodiy soha bo‘yicha ajoyib reja bor, biz o‘sish sur’atini ikki barobar oshiramiz va iqtisodiyotimizni jahonda tengi yo‘qqa aylantiramiz”, — dedi Tramp.
“Biz darhol Amerika xalqi farovonligi uchun ishlashni boshlaymiz”, — deya qo‘shimcha qildi Donald Tramp.
So‘nggi ma’lumotlarga ko‘ra, Tramp 29 shtatda g‘olib chiqib, 288 nafar tanlovchining ovozlarini qo‘lga kiritgan. Saylovda g‘alaba qozonish uchun tanlovchilarning 270 ovozi yetarli edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)