Дональд Трамп Нью-Йоркдаги сайлов штабида ўз тарафдорлари олдида чиқиш қилди. Meduza’нинг ёзишича, у барча америкаликларга, хусусан, сайловда унга қарши овоз берганларга ҳам президент бўлишга ваъда берди.
АҚШнинг янги сайланган президенти у раҳбарлик қилаётган давлат билан алоқаларини яхшилаш ниятида бўлган барча давлатлар билан муносабат ўрнатишини таъкидлади.
Ўз навбатида, «муносиб кураш олиб боргани учун» сайловдаги рақиби, демократлар вакили Ҳиллари Клинтонга ҳам миннатдорчилик билдириб ўтди.
«Бизда иқтисодий соҳа бўйича ажойиб режа бор, биз ўсиш суръатини икки баробар оширамиз ва иқтисодиётимизни жаҳонда тенги йўққа айлантирамиз», — деди Трамп.
«Биз дарҳол Америка халқи фаровонлиги учун ишлашни бошлаймиз», — дея қўшимча қилди Дональд Трамп.
Сўнгги маълумотларга кўра, Трамп 29 штатда ғолиб чиқиб, 288 нафар танловчининг овозларини қўлга киритган. Сайловда ғалаба қозониш учун танловчиларнинг 270 овози етарли эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)