Koauila shtatidagi (Meksika) Torreon shahridan poytaxt Mexikoga yo‘l olgan Aeromexico samolyoti bortida zaharli bo‘lmagan kichik ilon aniqlandi. Bu haqda 7-noyabr, dushanba kuni aviakompaniya ma’lum qildi, deya xabar beradi “TASS”.
Bortda sarosima kuzatilmagan. Qabul qilingan qoidalarga muvofiq, g‘aroyib “yo‘lovchi”ga ega bo‘lgan laynerga birinchi bo‘lib qo‘nish imkoniyati berildi.
Samolyotdagilardan hech biri jabrlanmadi. Veterinar nazorati xizmati ilon Meksika shimolida istiqomat qiladigan sudralib yuruvchilar sirasiga kirishini bildirdi. Aviakompaniya vakillari mahalliy rasmiylar bilan birga ilon samolyot bortiga o‘zi o‘rmalab kirgani yoki yo‘lovchilardan kimdir qo‘l bagajida olib o‘tganini aniqlashga urinmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)