Foto: Toshkentning eng futuristik piyodalar yo‘lkasi
Toshkentdagi Qatortol ko‘chasining Cho‘ponota ko‘chasi va Kichik halqa yo‘li (“Shuhrat” chorrahasi) oralig‘idagi qismida futuristik ruhdagi piyodalar yo‘lkasi paydo bo‘ldi. Uning suratlari Facebook’dagi “Molodaya fotografiya Uzbekistana” guruhida e’lon qilingan.
Ta’mirdan chiqarilgan yo‘lkaga an’anaviy skameykalar, urnalar o‘rnatilgan. Biroq yo‘lka bo‘ylab o‘rnatib chiqilgan yoritkichlar unga futuristik kayfiyat bag‘ishlagan.
Yo‘lka kim, qaysi tashkilot tomonidan ta’mirdan chiqarilgani ma’lum qilinmagan.
Bir guruh foydalanuvchilar shaharning boshqa qismlarida ham shunday yangiliklar qilish zarurligini ta’kidlagan bo‘lsa, boshqa foydalanuvchilar bu chiroqlar yaxshi yoritmasligidan shikoyat qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
