Pokiston National Geographic muqovasidagi afg‘onistonlik ayolni deportatsiya qiladi

Pokiston 1985-yilda National Geographic jurnali muqovasida surati chiqqach, mashhur bo‘lib ketgan Sharbat Gulani Afg‘onistonga deportatsiya qiladi, deb yozadi “Korrespondent.net”.

Pokiston sudi Gulani mamlakatda qalbaki hujjatlar bilan yashaganlikda aybdor deb e’lon qilgan va 15 sutkaga qamab qo‘ygan edi.

Uning advokati ma’lum qilishicha, Gula 7-noyabr, dushanba kuni deportatsiya qilinishi mumkin. Ayol, shuningdek, 110 ming rupiya (1,1 ming dollar) jarimaga tortilgan.

Afg‘oniston hukumati ma’lum qilishicha, vataniga qaytgach, uni mamlakat prezidenti Ashraf G‘ani shaxsan kutib oladi.

Gula 2-noyabr kuni kasalxonaga yotqizilgan, u yerda С gepatitidan davolanmoqda.