Pentagon Iordaniyada uch nafar amerikalik harbiy yo‘riqchi halok bo‘lganini tasdiqladi. Vazirlik vakili Piter Kuk harbiylar mashg‘ulotlar markaziga kirib kelayotganida otishma ostida qolganini bildirdi. Bu haqda “Vedomosti” xabar bermoqda.
Hodisa tafsilotlarini tekshirishda amerikalik va iordaniyalik mutaxassislar ishtirok etmoqda. Oldinroq Iordaniya amerikaliklar avtomobili al-Jafradagi qirol Feysal aviabazasida to‘xtamagani tufayli otishma yuz bergani va buning oqibatida amerikaliklar o‘ldirilgani, mahalliy harbiy yaralanganini rasman ma’lum qilgandi.
Pentagon vakili bir amerikalik voqea joyida halok bo‘lgani, ikkisi esa kasalxonada olingan jarohatlar tufayli hayotdan ko‘z yumganini bildirdi. AQShning Iordaniyadagi elchixonasi mamlakatdagi tegishli tashkilotlar bilan mazkur hodisa yuzasidan doimiy aloqada ekanligini ma’lum qildi.
Izoh (0)