Forta Business Education yoxud O‘zbekistonda tadbirkorning muvaffaqiyati sirini ochib beradigan o‘quv maskani haqida
Mehriniso Abdurazzoqova — faqat o‘zbek tilida maxsus biznes seminarlar o‘tkazish orqali tadbirkorlarga biznes sirlarini o‘rgatish bilan shug‘ullanadigan O‘zbekistondagi yagona trening markazi rahbari.
Biznes olamiga ilk qadamlarini qo‘yganda, birinchi muvaffaqiyatdan so‘ng birinchi omadsizlikni ham ko‘rgach, tadbirkor bo‘lish uchun albatta ilm kerak ekan degan xulosaga kelgan. Asl kasbi pedagog bo‘lgani uchun, hamma sohada ilm olish muhim degan fikrda. Lekin tadbirkorlikka qayerda o‘qitiladi? Tadbirkor degan diplomni kim beradi? Biznesdagi sir-asrorlarni kim ham raqobatchisiga ochadi?
Mehriniso Abdurazzoqova intiluvchan va izlanuvchanligi sababli o‘sha paytlarda ayni muammoning yechimini topdi. Yechim rivojlangan xorijiy davlatlardan, tadbirkorlar uchun tashkil qilinadigan maxsus seminarlardan topildi. Biznesda foyda topish uchun albatta sarmoya kiritiladi, lekin har qanday katta miqdordagi sarmoyani ham ilmsizlik oqibatida boy berib qo‘yish mumkin. Mehriniso Abdurazzoqova bu nuqtada ikkinchi yo‘lni, sarmoyani o‘z ilmiga kiritish yo‘lini tanladi.
Yo‘lni uzoq, tadbirni serxarajat demasdan, imkon topib, dunyoning bir necha mamlakatlariga aynan tadbirkorlik bo‘yicha misqollab ilm yig‘ish uchun bordi va dunyoga mashhur trenerlarning maxsus biznes seminarlarida bo‘ldi: Filipp Kotler (AQSh)ning Diplomini olishga muvaffaq bo‘ldi. Keyin esa Lars Vallentin (Shveysariya)ning seminarida ishtirok etdi. Ammo o‘zining aytishicha, birinchi marta borganida hech nimani tushunmagan. Samolyot chiptasi, boshqa xarajatlar va treningga to‘langan mablag‘larni seminarda qo‘llangan juda ko‘p yangi terminlarni tushunmaganligi uchun “suvga oqizib kelgan”. Lekin ko‘zlagan maqsadiga erishmasdan qo‘ymaydigan, intiluvchan bu ayol ikkinchi bor yana Lars Vallentinning aynan o‘sha mavzudagi seminarida takror ishtirok etadi. Mana shunday qilib, bosqichma-bosqich u muvaffaqiyat zinasidan chiqa boshlaydi. Keyin esa har birining chiptasi 500 dan 2000 yevrogacha turadigan seminarlar: Aleksander Levitas (Isroil, Diplom), Masaru Fujivara (Yaponiya, Sertifikat), Maykl Bing (Daniya, Sertifikat), Dmitriy Dichkovskiy (Belarus, Sertifikat), Maksimilian Fodinger (AQSh, Sertifikat), Igor Kachalov (Rossiya, Sertifikat), Igor Mann (Rossiya, Sertifikat), Jon King (AQSh, Sertifikat)larning ham treninglarida qatnashadi. Bularning barchasida olgan ilmlari o‘zining va do‘stlarining biznesda muvaffaqiyatli rivojlanishiga yordam berdi.
Ammo boshqa tadbirkorlar-chi? Ularni kim o‘qitadi? O‘zbekistonda ularga kim biznes treninglar o‘tadi? To‘g‘ri, so‘nggi paytlarda bir necha trenerlar O‘zbekistonga kelib, seminarlar o‘tishmoqda. Ammo ular o‘zbek tilida emas. Va albatta ularda aynan O‘zbekistondagi o‘ziga xos holat hamda milliy an’analar va qadriyatlar mazmunidan kelib chiqib yondashish yo‘q. Kamiga, bunday seminarlarda ishtirok etish uchun chiptalar narxi juda baland (o‘rtacha 1 million so‘m). Shu sababli ham, O‘zbekistondagi tadbirkorlarga, ayniqsa yosh, endi ish boshlayotgan, hali turli xorijiy davlatlarga borib, treninglarda ishtirok etishni iqtisodiy ahvoli ko‘tarmaydigan tadbirkorlar uchun maxsus seminar treninglar o‘tkazishni maqsad qildi. Oktabr oyida o‘tkazilgan ilk treningda 200 dan ortiq tadbirkor ishtirok etib, unga yuqori baho berdi. Bundan ruhlangan Mehriniso Abdurazzoqova ko‘p sonli tadbirkorlarning iltimoslari va takliflariga binoan 6-noyabr kuni Toshkentga, 12-noyabrda Andijonga, 19-noyabrda Namanganga va 26-noyabr kuni Qo‘qonga tashrif buyuradigan bo‘ldi. Dekabr oyida esa Samarqand va Buxoro viloyatlariga safar rejalashtirilmoqda.
Mehriniso Abdurazzoqova:
“Umid qilamanki, bu biznes treningdan ishtirokchilar o‘zlari uchun juda ko‘p foydali ma’lumotlarni olishadi. Chunki men o‘zim ishtirok etgan barcha seminarlardagi eng qimmatli ma’lumotlarni jamlab, shuningdek shaxsiy tajribamdan kelib chiqqan holda, zavod va fabrikasi bor biznesmenlarimizdan tortib, yosh tadbirkorlarimizgacha ushbu ma’lumotlarni taqdim etaman. Seminarni ilm olib, savdo hajmining va daromadlarining oshishiga olib keladigan goyalar bilan tark etishlarini istayman. Yosh tadbirkorlarimizga biznesga bilim bilan kiringlar deyishni xohlayman, tajribali tadbirkorlarimizga esa ‘Muvaffaqiyatli tadbirkorlar hamisha o‘qishda davom etadilar!’
Treningdan so‘ng:1. Oldin hech qayerda eshitmagan ma’lumotlarga va bilimlarga ega bo‘lasiz (Intellektual jihatdan boyiysiz!).2. Raqobatchilaringizdan ma’lumot jihatidan so‘zsiz ustunlikka ega bo‘lasiz (Unutmang! Tashqarida axborot asri hukm surmoqda!).3. Javobini izlab yurgan savollaringizning 90 foiziga javob topasiz (Miyangiz quvvati va nihoyat yangi g‘oyalar uchun sarflana boshlaydi).4. Nima uchun shu paytgacha o‘zingiz xohlagandek muvaffaqiyatga erisha olmaganligingiz sababini anglab yetasiz (Hayratlanasiz!).5. Oldin sezmagan hamda ahamiyat bermagan narsalar, voqea-hodisalar va o‘zgarishlarni nafaqat seza boshlaysiz, balki his qila boshlaysiz (Transformatsiya effekti).6. Biznesingiz kelajagini (kamida 3—5 yil) va uning rivojlanish bosqichlarida bosib o‘tadigan yo‘lini taxminan “ko‘ra boshlaysiz” (Uzoqni ko‘ra bilish).7. Mahsulotingiz nomidan, logotipidan, qadoqlanishi va dizaynidan hamda reklama materiallari va aksiyalaringizdan Sizning tadbirkorlik sohasi bo‘yicha savodxonlik darajangiz ufurib turadi (Shaxsiy imij).8. O‘qishga, o‘rganishga va o‘z ustingizda ishlashga bo‘lgan ishtiyoqingiz va rag‘batingiz ortadi (Shaxsiy o‘sish = biznesingiz o‘sishi).9. Muvaffaqiyatga olib boradigan yo‘lni qisqartirish qurollariga ega bo‘lasiz (Natijada mehnatlaringiz samarasidan rohatlanish onlarini uzoq kutmaysiz!).10. Eng asosiysi, Sizga vaqt va mablag‘ jihatidan qimmatga tushadigan xatolarning oldini olib qolasiz! (Demak, hamyoningizni va sog‘ligingizni, ayniqsa, asab tizimingizni asrab qolasiz).
Ro‘yxatga olish: 9:30 dan 10:30 gachaBirinchi qism: 10:30 dan 12:30 gachaKofe-breyk: 12:30 dan 13:00 gachaIkkinchi qism: 13:00 dan 15:00 gacha
Trening bo‘lib o‘tadigan sana va manzillar:Toshkent shahri: Chexov ko‘chasi, 5-uyIIV Madaniyat saroyi, 6-noyabr (yakshanba) kuni
Andijon shahri: Boburshoh ko‘chasi, 53-uy“Hamkor” xalqaro biznes markazi, 12-noyabr (shanba) kuni
Namangan shahri: 19-noyabr (manzil aniqlanmoqda…)
Qo‘qon shahri: Shohruxobod ko‘chasi, 39-uyMediapark savdo markazi, 3-qavat 26-noyabr (shanba) kuni
Trening qatnashchilariga sertifikat beriladi.Narxi — 570 ming so‘m.
Lekin bizda homiylar bor. Ularning yordami tufayli siz ushbu treningga atigi 175 ming so‘m to‘lovni (xohlagan usulda) amalga oshirib, imtiyozli chiptani qo‘lga kiritishingiz mumkin. Buning uchun zudlik bilan info@forta.uz elektron manziliga yoki (+998-94) 665-11-12 telegram manziliga “Imtiyozli chipta olaman” jumlasini hamda qatnashchi(lar)ning ismi-sharifi, tug‘ilgan sanasi, telefon raqamlari, to‘lov usuli va qaysi manzilda o‘tkazilayotgan treningda qatnashmoqchi ekanligingiz ko‘rsatilgan xatni yuborishingiz kerak.
Joylar soni cheklangan! O‘z joyingizni band qilishga shoshiling! Imtiyozli chipta muddati 2016-yil 4-noyabrgacha. Yaqinlaringiz va do‘stlaringizga ham xabar bering.
Forta Business Education’ning biznes-treninglar jadvali bilan www.forta.uz sayti va @FortaUz Telegram-kanali orqali tanishing, biznes-treningda ishtirok eting va o‘zingiz orzu qilgandek muvaffaqiyatga tezroq erishing!Forta Business Education – orzularingiz ro‘yobi!
Reklama huquqi asosida
Izoh (0)