Salvador sobiq prezidenti Antonio Saka korrupsiya va davlat mablag‘larini talon-taroj etishda gumon qilinib, qo‘lga olindi. Bu haqda mamlakat bosh prokuraturasi ma’lum qildi, deya xabar beradi “RIA Novosti”.
Oldinroq Saka noqonuniy boyishda ayblanib, sud oldida javob berishi ma’lum qilingandi — u prezidentlik vakolati yakunlanguncha bank hisob raqamlarida paydo bo‘lgan 5 million dollar manbasini izohlab berolmagandi.
Sobiq davlat rahbari 29-oktabr, shanba kuni kechki payt, o‘g‘illaridan birining to‘yi chog‘ida hibsga olindi. Oradan bir necha soat o‘tib, Sakaning sobiq shaxsiy kotibi politsiyaga taslim bo‘ldi. U kamida 18 million dollarni talon-taroj etishda ayblanmoqda.
Shuningdek, Salvadorning yana 6 nafar sobiq yirik mansabdori, jumladan, avvalgi aloqa va ommaviy kommunikatsiyalar hamda yoshlar ishlari vazirlari ham qo‘lga olindi.
Izoh (0)