Парижда шу ҳафта Гонкур мукофотининг янги совриндорига 10 евролик (33 600 сўм) чек топширилади, дея хабар бермоқда «ТАСС».
Франция бош адабий мукофотининг пул қисми у ўтган аср бошида таъсис этилганидан кейин валюта бозорларида кузатилган ўзгаришлар натижасида қадрсизланиб кетди. Аммо олий ҳайъат аъзолари ёзувчилар бундан хафа эмаслигини таъкидламоқда.
«Бу рамзий чек, — дея аниқлик киритди академия президенти Бернар Пиво. — Ёзувчига унинг муаллифлик ҳуқуқлари пул мукофотини келтиради». Масалан, 2013 йилда «У ерда, юқорида учрашамиз» романи учун мукофотга лойиқ деб топилган Пьер Леметрнинг китоби ўша вақтдан буён 600 минг нусхада чоп этилган ва 20 та тилга таржима қилинган.
Изоҳ (0)