Ryazandagi gaz portlashi uy egasining aybiga ko‘ra sodir bo‘lgani aytildi

Rossiyaning Ryazan shahrida joylashgan xususiy uyda sodir bo‘lgan, yetti kishini hayotdan olib ketgan portlash bilan shug‘ullanayotgan tergovchilar voqea joyini tekshirganidan so‘ng portlash uy egasining aybiga ko‘ra sodir bo‘lganini aniqladi. Bu haqda “TASS” xabar bermoqda.

Tergov versiyasiga ko‘ra, portlash chog‘ida uy isitilayotgan edi, bir nechta xonadonda individual isitish uchun gaz uskunasi o‘rnatilgan edi.

Ryazandagi o‘n qavatli uyning yuqori qavatlaridagi maishiy gazning portlashi 23-oktabr kuni yuz bergan. Oxirgi ma’lumotlarga qaraganda, portlash oqibatida yetti kishi halok bo‘lgan. Dastlab uch kishining halok bo‘lganligi ma’lum qilingan bo‘lsa, 24-oktabrda vayronalar ostidan yana to‘rt kishining jasadi topilgan.

Ilgariroq o‘sha uyda istiqomat qiluvchi 16 yoshli qizni iti qutqarib qolgani aytilgan edi.