“Sheremetyevo”da o‘lik tulki tufayli samolyot qayta havoga ko‘tarildi

Moskvaning “Sheremetyevo” aeroportida uchish-qo‘nish tasmasida o‘lik tulki borligi tufayli samolyot qo‘na olmadi. Bu haqda “RBK” xabar bermoqda.

Voqea 22-oktabr kuni sodir bo‘ldi. Tulkining jasadini ko‘rgan aeroport xodimlari samolyotni ikkinchi aylanishga yubordi.

Airbus A320 samolyoti Nijnevartovskdan kelayotgan edi. Ikkinchi aylanishdan so‘ng u muvaffaqiyat bilan qo‘ndi.