Yevropa Ittifoqi Belarusga nisbatan sanksiyalarni to‘liq bekor qilishi mumkin
Qo‘shnichilik siyosati bo‘yicha yevrokomissar Yoxannes Xan Belarusga nisbatan joriy etilgan sanksiyalarni bekor qilish masalasini mamlakat delegatsiyasi uchrashuv chog‘ida muhokama qilishga va’da berdi. Bu haqda “Korrespondent.net” xabar bermoqda.
Belarus hukumati matbuot xizmati tarqatgan axborotga ko‘ra, ayni vaqtda Minsk Yevropa Ittifoqining Sharqiy hamkorlik dasturida ishtirok etish bo‘yicha muzokaralar olib bormoqda.
Belarus rahbariyati vakillari, bir qator korxonalari va jismoniy shaxslariga nisbatan sanksiyalar 1994-yili hokimiyat tepasiga prezident Aleksandr Lukashenko kelishi bilan, Belarus va Yevropa davlatlari o‘rtasidagi munosabatlar sovuqlashgani sabab joriy etilgan edi.
2008-yildan beri Yevropa Ittifoqi va Belarus o‘rtasidagi munosabatlar iliqlashayotgani kuzatilmoqda. Xususan, 2016-yil fevralida Yevropa Ittifoqi Kengashining Belarusga nisbatan sanksiyalarni bekor qilish bo‘yicha qarori kuchga kirgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
