AQShning AT&T telekommunikatsiya kompaniyasi HBO va CNN telekanallari, shuningdek, Warner Bros. kinostudiyasiga egalik qiluvchi Time Warner mediakonglomeratini sotib olish borasida kelishuvga erishdi, deya xabar bermoqda Meduza.
Kelishuv qiymati 85,4 milliard dollarga teng. Reuters mazkur bitimni “jahon bo‘yicha yilning eng yirik kelishuvi” deb atamoqda.
Kelishuv davlat tartibga soluvchi organlari tomonidan ma’qullanishi lozim. Respublikachilar partiyasidan AQSh prezidentligiga nomzod Donald Tramp, agar prezident etib saylansa, mazkur kelishuvga to‘siq qo‘yishini ma’lum qildi. “Bu juda kam odamlarning qo‘lida juda katta hokimiyatning to‘planib qolishidir”, — dedi Tramp.
Reuters’ning yozishicha, Shimoliy Amerikada AT&T telekommunikatsiya kompaniyasining 142 millionga yaqin abonenti bor. 38 millionga yaqin kishi kompaniyaga tegishli DirecTV va U-verse videoservislaridan foydalanadi.
Time Warner kompaniyasiga Warner Bros., New Line Cinema kinostudiyalari, HBO, CNN telekanallari, DC Comics nashriyoti tegishli. Kompaniya 2014-yili 21st Century Fox kompaniyasining 80 milliard dollarlik taklifiga rad javobini bergan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)