ExoMars missiyasi doirasida Marsga yo‘llangan Schiaparelli moduli Qizil sayyoraga qo‘ngani taxmin qilinmoqda. Hozirda mutaxassislar qurilmadan signal kelishini kutmoqda. Bu haqda Yevropa koinot agentligi (ESA) ma’lum qildi, deya xabar beradi ”Hi-Tech Mail.ru”.
Mutaxassislar hisob-kitobiga ko‘ra, modul 122 kilometr balandlikda soatiga 21 000 kilometr tezlikda sayyora atmosferasiga kirgan. Yuzaga 11 kilometr qolganda parashyut ochilgan.
Schiaparelli modulining asosiy maqsadi Marsga uchish va qo‘nish texnologiyasini takomillashtirishdan iborat. Qurilmadagi maxsus datchiklar qo‘nish chog‘ida shamol tezligi, bosim, harorat va namlikni o‘lchaydi. Mazkur ma’lumotlarning barchasi ExoMars loyihasi doirasida kelgusi missiyalarni amalga oshirish uchun zarur.
Izoh (0)