Amnesty International xalqaro huquq himoyachilari tashkiloti 100 balldan 73 ball jamg‘argan Facebook va WhatsApp messenjerlarini (ikkisi ham Facebook kompaniyasiga tegishli) eng himoyalangan deb topdi. Bu haqda “Vedomosti” xabar bermoqda.
Ushbu yo‘nalishda tuzilgan reytingga jami 11 kompaniyaning 16 eng ommalashgan messenjeri kiritildi. Ikkinchi va uchinchi o‘rinlarni iMessage, FaceTime va Telegram bo‘lishib oldi.
Ekspertlar birinchi galda servisda shaxsiy hayot daxlsizligi va onlayn-tahdidlardan cho‘chimay fikrini bildirishning asosiy usuli — shifrlash mavjudligiga e’tibor qaratdi. Ro‘yxatdagi 6 messenjerga (WhatsApp, iMessage, FaceTime, Duo, Line va Viber) end-to-end shifrlash o‘z-o‘zidan kiritilgan.
Reytingdagi oxirgi o‘rinni QQ va WeChat (Xitoy) egalladi. Shuningdek, Blackberry Messenger (end-to-end faqat alohida haq evaziga) va shifrlashga ega bo‘lmagan Skype, Snapchat messenjerlari ham Amnesty International tomonidan past baholandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)