2016-yilning 21-oktabr kuni O‘zbekiston Respublikasi Tashqi ishlar vazirligida Islom hamkorlik tashkiloti Tashqi ishlar vazirlari kengashining 43-sessiyasida ishtirok etish uchun O‘zbekistonga tashrif buyurgan AQShning IHTdagi Maxsus vakili vazifasini bajaruvchi Arsalan Suleyman bilan uchrashuv bo‘lib o‘tdi. Bu haqda TIV matbuot xizmati xabar bermoqda.
Muloqot chog‘ida 18—19-oktabr kunlari Toshkent shahrida bo‘lib o‘tgan IHT TIVK yakunlari yuzasidan fikr almashildi.
Uchrashuvda AQSh Muvaqqat ishlar vakili Lessli Viguri ishtirok etdi.
Eslatib o‘tamiz, oldinroq Arsalan Suleyman O‘zbekistonga tashrifi davomida rasmiylar va diniy tashkilotlar vakillari bilan muzokaralar o‘tkazishi, shuningdek, Toshkent islom universitetiga tashrif buyurishi, Toshkent, Samarqand va Buxoro shaharlaridagi diniy va madaniy obidalar bilan tanishishi xabar qilingandi.
Izoh (0)