Жанубий Кореянинг Hyundai компанияси Шимолий Америка бозоридан 84 мингга яқин автомобилни хавфсизлик ёстиқчаларидаги нуқсонлар туфайли қайтариб олади. Бу ҳақда компания вакиллари маълум қилди, дея хабар беради «ТАСС».
2010—2016 йилларда чиқарилган Genesis Coupe машиналари қайтариб олинмоқда. Компания вакилларига кўра, заводда йўл қўйилган хато туфайли олдинги ўриндиқлардаги хавфсизлик ёстиқчалари ҳайдовчи ёки йўловчини ҳимоя этиш учун етарли бўлмаган куч билан очилиши мумкин.
Hyundai нуқсон бепул бартараф этилишини ўз зиммасига олди. Шу билан бирга, мазкур носозлик туфайли содир бўлган шикастланишлар ҳақида маълум эмаслиги билдирилмоқда.
Изоҳ (0)