Amerikalik tadqiqotchilarning aniqlashicha, ortiqcha vazn keksa kishilarning kognitiv funksiyalariga salbiy ta’sir ko‘rsatishi mumkin. Olimlarning xulosasi haqida Arizona universiteti saytida e’lon qilingan press-relizda qisqa axborot berilgan.
Mutaxassislarning so‘zlariga ko‘ra, tana vazni indeksi (TVI) qanchalik yuqori bo‘lsa, asab tizimidagi yallig‘lanish ham shunchalik kuchli kechadi. Semiz keksa kishilardagi xotira buzilishi, diqqatni jamlay olmaslik va zehniy salohiyatning susayishi kabi muammolarni shu bilan izohlanishi ham mumkin.
21,5 ming kishi jalb etilgani holda 12 yil davomida o‘tkazilgan tadqiqot yakunlariga ko‘ra, TVI qon plazmasi oqsili faoliyatiga ta’sir qilishi, bu bilan uning yallig‘lanishdagi rolini kuchaytirishi ma’lum bo‘ldi. Mazkur molekula butun tanani qamrab oluvchi patologik jarayonlarning markeri hisoblanadi.
Olimlarning ogohlantirishicha, ular tomonidan aniqlangan bog‘liqlik nima sababu, nima oqibat ekanligi haqida ma’lumot bermaydi. Yuqori darajadagi TVIning salbiy ta’siri haqidagi nazariy xulosalar tasdiqlanishi uchun tajriba maqsadida tana vaznini kamaytirish, shundan so‘ng buning yallig‘lanish darajasida ta’sirini ko‘rib chiqish zarur.
Izoh (0)