Америкалик тадқиқотчиларнинг аниқлашича, ортиқча вазн кекса кишиларнинг когнитив функцияларига салбий таъсир кўрсатиши мумкин. Олимларнинг хулосаси ҳақида Аризона университети сайтида эълон қилинган пресс-релизда қисқа ахборот берилган.
Мутахассисларнинг сўзларига кўра, тана вазни индекси (ТВИ) қанчалик юқори бўлса, асаб тизимидаги яллиғланиш ҳам шунчалик кучли кечади. Семиз кекса кишилардаги хотира бузилиши, диққатни жамлай олмаслик ва зеҳний салоҳиятнинг сусайиши каби муаммоларни шу билан изоҳланиши ҳам мумкин.
21,5 минг киши жалб этилгани ҳолда 12 йил давомида ўтказилган тадқиқот якунларига кўра, ТВИ қон плазмаси оқсили фаолиятига таъсир қилиши, бу билан унинг яллиғланишдаги ролини кучайтириши маълум бўлди. Мазкур молекула бутун танани қамраб олувчи патологик жараёнларнинг маркери ҳисобланади.
Олимларнинг огоҳлантиришича, улар томонидан аниқланган боғлиқлик нима сабабу, нима оқибат эканлиги ҳақида маълумот бермайди. Юқори даражадаги ТВИнинг салбий таъсири ҳақидаги назарий хулосалар тасдиқланиши учун тажриба мақсадида тана вазнини камайтириш, шундан сўнг бунинг яллиғланиш даражасида таъсирини кўриб чиқиш зарур.
Изоҳ (0)