Visa bosh direktori Charlz Sharf iste’foga chiqishini ma’lum qildi. Bu haqda “Gazeta.ru” xabar bermoqda.
2012-yil 1-noyabrdan beri bosh direktor bo‘lib ishlab kelayotgan Sharf xodimlarga maktubida endi vazifasini bajarish va San-Fransiskoda bo‘lish uchun yetarli vaqt ajratolmasligi, oilasi bilan ko‘proq birga bo‘lish uchun lavozimini tark etayotganligini bildirgan.
Uning o‘rnini American Express sobiq direktori Alfred Kelli egallashi ta’kidlandi. Kelli Visa direktorlar kengashi a’zosi bo‘lib, 1-dekabrdan rasman vazifasini bajarishga kirishishi kutilmoqda.
Izoh (0)