AQShning Michigan universiteti olimlari Quyosh tizimida Pluton ortida joylashgan mitti sayyorani aniqladi, deya xabar bermoqda “TASS” Xalqaro astronomiya ittifoqiga tayanib.
“Transneptun obyekti” hozircha faqat 2014 UZ224 belgisigagina ega bo‘ldi. Ushbu kosmik jism o‘z hajmiga ko‘ra, radiusi 1187 km bo‘lgan Plutondan ikki marta kichik. Yangi mitti sayyora Quyoshdan taxminan 14 milliard km masofada joylashgan.
Uning harakatlanish orbitasi aniqlanganicha yo‘q, ammo u Quyoshni taxminan 1100 Yer yili ichida aylanib chiqadi.
Yangi jism Quyosh tizimidagi allaqachon fanga ma’lum mitti sayyoralar ro‘yxatini to‘ldiradi, ular orasida Serera, Xaumea, Makemake, Erida va Pluton bor. 2014 UZ224’ga nom va rasmiy maqom Xalqaro astronomiya ittifoqi tomonidan beriladi.
Izoh (0)