АҚШнинг Мичиган университети олимлари Қуёш тизимида Плутон ортида жойлашган митти сайёрани аниқлади, дея хабар бермоқда «ТАСС» Халқаро астрономия иттифоқига таяниб.
«Транснептун объекти» ҳозирча фақат 2014 UZ224 белгисигагина эга бўлди. Ушбу космик жисм ўз ҳажмига кўра, радиуси 1187 км бўлган Плутондан икки марта кичик. Янги митти сайёра Қуёшдан тахминан 14 миллиард км масофада жойлашган.
Унинг ҳаракатланиш орбитаси аниқланганича йўқ, аммо у Қуёшни тахминан 1100 Ер йили ичида айланиб чиқади.
Янги жисм Қуёш тизимидаги аллақачон фанга маълум митти сайёралар рўйхатини тўлдиради, улар орасида Церера, Хаумеа, Макемаке, Эрида ва Плутон бор. 2014 UZ224’га ном ва расмий мақом Халқаро астрономия иттифоқи томонидан берилади.
Изоҳ (0)