Britaniya taxti vorisi Uels shahzodasi Charlz Shotlandiyadagi Ballater shaharchasida restoran va do‘kon ochdi, deb yozadi “TASS”. O‘tgan yilning dekabrida yaqin orada joylashgan Di daryosi toshishi natijasida suv ostida qolgan aholi punkti uchun bu o‘ziga xos sovg‘a bo‘ldi, deyiladi mahalliy OAVlar xabarida.
12-oktabr kuni kechki payt tantanali tarzda ochilgan Rothesay Rooms muassasasi Charlz sharafiga nomlandi: u Shotlandiya taxti vorisi — Rotsey gersogi unvoni sohibi hisoblanadi. Restoran yosh oshpazlar uchun pazandalik maktabi, shuningdek, mahalliy sayyohlik nuqtasi ham bo‘lishi kutilmoqda.
Charlzning o‘zi aytishicha, bunday restoran ochish g‘oyasini unga mahalliy qassoblardan biri bergan, u shahzodaga tabiiy ofatdan jabrlangan shaharchada do‘kon ochishni taklif qilgan.
Restoran noyabrda ish boshlaydi, unga biriktirilgan do‘kon esa oktabr oxirigacha ochiladi.
Izoh (0)