Slovakiyada respublika sobiq prezidenti Mixal Kovachning dafn marosimi tufayli, kelasi payshanba — 13-oktabr motam kuni deb e’lon qilindi. Bu haqda “TASS” xabar berdi. U 5-oktabr kuni 86 yoshida vafot etgan edi.
“1993-yilda demokratik respublikaning birinchi prezidenti sifatida saylangan Mixal Kovachning davlat dafn marosimi 13-oktabr, payshanba kuni o‘tkaziladi, — deya xabar qildi Slovakiya radiosi. — Mamlakatda shu kuni motam e’lon qilindi”.
Mixal Kovach bilan vidolashuv Bratislava shahrida bo‘lib o‘tadi, sobiq prezident shahardagi “Ondreyskiy qabristoni”ga ko‘miladi.
Kovach yurak faoliyatidagi yetishmovchilik oqibatida vafot etdi. Kovach 1993—1998-yillarda respublika rahbari lavozimida ishlagan. Oxirgi yillarda u og‘ir xastalikka chalingandi. Mart oyida u ikki marta shifoxonaga yotqizilgan edi.
Izoh (0)