Sharqiy Xitoyning Chjetszyan provinsiyasida yuz bergan ko‘chki qurbonlari soni 18 kishiga yetdi. Yana 9 kishi bedarak yo‘qolgan deb hisoblanmoqda. Bu haqda “TASS” xabar bermoqda.
Oldinroq tabiiy ofat tufayli 4 kishi halok bo‘lgani ma’lum qilingandi.
“Megi” to‘foni keltirib chiqargan kuchli yomg‘irlar 28-sentabr, chorshanba kuni Sutsun qishlog‘idagi ko‘chkiga sabab bo‘ldi. 400 ming kubometrga yaqin tuproq 20 dan ortiq uyni bosib qoldi.
Janubiy Xitoy dengizi tomonidan “Aere” to‘foni yaqinlashayotgani sababli provinsiyada ob-havo sharoiti yanada yomonlashishi kutilmoqda. Bu ko‘chkilar qaytarilishiga sabab bo‘lishi va falokat hududidagi 1600 nafar qutqaruvchi ishini murakkablashtirishi mumkin.
Izoh (0)