Rossiya BMT Xavfsizlik kengashiga Suriya bo‘yicha muqobil rezolyutsiya loyihasini taqdim etdi

Moskva BMT Xavfsizlik kengashiga Fransiya tomonidan tayyorlangan hujjatga muqobil tarzda ishlab chiqilgan Suriya bo‘yicha rezolyutsiyasini taqdim etdi. Kengash yig‘ilishi 8-oktabr, shanba kuni Toshkent vaqti bilan 23:30 da boshlanadi. Bu haqda “Vedomosti” xabar bermoqda.

Rossiya loyihasida BMT bosh kotibining Suriya bo‘yicha maxsus vakili Staffan de Misturaning “Jabhat an-Nusra” jangarilarini Aleppo sharqiy qismidan olib chiqish haqidagi taklifi qo‘llab-quvvatlangan.

Fransiya oldinroq Xavfsizlik kengashiga Aleppoda harbiy aviatsiya parvozi man etilishini ko‘zda tutuvchi, shuningdek, Suriyada o‘t ochishni to‘xtatish tartibiga rioya etishga chaqirilgan rezolyutsiya loyihasini taqdim etgandi.