Chad sudi Exxon Mobile Corp. kompaniyasiga rekord darajadagi — 74 milliard dollar jarima to‘lash, shuningdek, neft kompaniyasi ushbu Afrika davlatidan qarzdor bo‘lgan 819 million royalti badalini to‘lash majburiyatini yukladi, deb yozadi “Interfaks”.
“Biz Chad sudi qaroriga rozi emasmiz va qanday chora-tadbirlarni ko‘rishni o‘ylayapmiz”, — dedi ExxonMobil vakili Todd Spitler.
Jarima Chad yalpi ichki mahsulotidan besh baravar ko‘pdir, uni Jahon banki 14 milliard dollarga baholamoqda.
Sud qarori Chad moliya vazirligining ExxonMobil tomonidan soliq majburiyatlari bajarilmayotgani haqidagi shikoyatga javob bo‘ldi.
ExxonMobil neft quvuri operatori hisoblanadi, u orqali neft Chaddan Kamerundagi eksport terminaliga o‘tadi.
Izoh (0)