Rossiyalik biofizik Aleksey Karnauxov o‘z ustida yoshartirish bo‘yicha tajribani o‘tkazmoqchi, deb yozadi “AiF”. U 6-oktabr, payshanba kuni boshlanadi.
Olim yaqin bir necha kun davomida tana hujayralarini chiqarib olish bo‘yicha operatsiyani boshidan o‘tkazadi, shundan so‘ng ular kriobankka o‘n yilga joylashtiriladi. Karnauxov u hujayralarni tanasiga kirgizgach, organizm yoshara boshlashini taxmin qilmoqda.
Eslatib o‘tamiz, Karnauxov va uning hamkasblari sichqonlar ustida o‘tkazgan eksperimentlarda hayot davomiyligi o‘rtacha 34 foizga oshgan edi. “Odamlar uchun bu taxminan 25 yil qo‘shimcha umrga to‘g‘ri keladi”, — deya ta’kidladi olim.
“Men umuman, bu imkoniyatni ulkan omad sifatida qabul qilmoqdaman. Gap shundaki, donorning yoshi bo‘yicha tibbiy va hatto yuridik cheklovlar mavjud — u 55 yoshdan katta bo‘lmasligi kerak. Shunday ekan, menda kam vaqt qoldi”, — dedi biofizik.
Izoh (0)