Чад суди Exxon Mobile Corp. компаниясига рекорд даражадаги — 74 миллиард доллар жарима тўлаш, шунингдек, нефть компанияси ушбу Африка давлатидан қарздор бўлган 819 миллион роялти бадалини тўлаш мажбуриятини юклади, деб ёзади «Интерфакс».
«Биз Чад суди қарорига рози эмасмиз ва қандай чора-тадбирларни кўришни ўйлаяпмиз», — деди ExxonMobil вакили Тодд Спитлер.
Жарима Чад ялпи ички маҳсулотидан беш баравар кўпдир, уни Жаҳон банки 14 миллиард долларга баҳоламоқда.
Суд қарори Чад молия вазирлигининг ExxonMobil томонидан солиқ мажбуриятлари бажарилмаётгани ҳақидаги шикоятга жавоб бўлди.
ExxonMobil нефть қувури оператори ҳисобланади, у орқали нефть Чаддан Камерундаги экспорт терминалига ўтади.
Изоҳ (0)