AQShda vertolyot halokati natijasida bir necha kishi qurbon bo‘ldi

AQShning Minnesota shtati Layno-Leyks shahri hududida vertolyot halokatga uchrashi natijasida bir necha kishi nobud bo‘ldi, deb yozadi “TASS” ABC telekompaniyasiga tayanib.

“Politsiya dalaga qulagan vertolyot haqida ma’lumotga ega. Vertolyotning kuyib ko‘mirga aylangan bo‘laklari topildi”, — dedi mahalliy sherif. U, shuningdek, politsiya hozircha halok bo‘lganlar sonini aniq ayta olmasligini ma’lum qildi.

Telekanal xabariga ko‘ra, voqea guvohlari osmonda portlash tovushini eshitgan va yerga qulayotgan olovli sharni ko‘rgan.

Politsiya hodisa yuzasidan tekshiruv olib bormoqda.