БМТ бош котиби Пан Ги Муннинг Жанубий Кореяда бўлиб ўтаётган қариндоши Пан Чжу Хён билан боғлиқ суд ишига алоқаси йўқ. Бу ҳақда 3 октябрь, душанба куни халқаро ташкилот раҳбарининг расмий вакили ўринбосари Фархан Ҳақ маълум қилди, дея хабар беради «ТАСС».
«Моҳияти маълум суд жараёнлари юзасидан ҳеч қандай изоҳ берилмайди. Бош котиб бу одам билан муносабатда бўлмаган ва мазкур ишга мутлақо даҳли йўқ. У халқаро ташкилотни бошқараётган салкам 10 йилдан бери қариндоши билан умуман алоқада бўлмаган», — дея таъкидлади Фархан Ҳақ.
Эслатиб ўтамиз, олдинроқ Сеул суди БМТ бош котиби Пан Ги Муннинг жияни Пан Чжу Хённи фирибгарликда айблагани ва 590 минг доллар жарима тортганлиги ҳақида хабар берилганди.
Изоҳ (0)