Америкалик аёл АҚШ президентлигига номзодлар Дональд Трамп ва Ҳиллари Клинтоннинг биринчи телемунозаралари ҳақидаги фикрлари билан бўлишишни истаган кишилардан 13 мингтадан ортиқ SMS ва 600 та телефон қўнғироғини қабул қилди, деб ёзади «ТАСС».
Бунга C-SPAN телекомпанияси йўл қўйган хатолик сабаб бўлди, у мунозаралар трансляцияси чоғида томошабинларга умуман бошқа одам — Виржиния штати Стаффорд шаҳрида яшовчи 26 ёшли Трипп Диаснинг телефон рақамини эълон қилди.
Диаснинг айтишича, томошабинларнинг нуқтаи назарлари унинг 8 ноябрь кунги умумий сайловларда кимга овоз бериш қарорига таъсир қила олмади.
C-SPAN ўз хатосини тан олиб, келтирилган ноқулайликлар учун аёлдан узр сўради.
Нашр эслатишича, мунозараларнинг учта даврасидан биринчиси 26 сентябрь куни Нью-Йорк штатидаги Хофстра университетида бўлиб ўтди. Жамоатчилик фикрига кўра (CNN телекомпанияси ўтказган сўров натижалари бўйича), унда собиқ давлат котиби ғалаба қозонди (62 фоизга 27 фоиз). Трансляцияни 80 миллиондан ортиқ киши томоша қилди.
Изоҳ (0)