Van Gogning ikki o‘g‘irlangan kartinasi Neapoldan topildi

Niderlandiyalik musavvir Vinsent Van Gog mo‘yqalamiga mansub ikki o‘g‘irlangan kartina Italiya huquq-tartibot idoralari xodimlari tomonidan Neapolda topildi. Bu haqda “TASS” xabar bermoqda.

Gap Van Gogning “Sxeveningendan dengiz ko‘rinishi” (1882) va “Nyunendagi islohotchilar cherkovidan qavmning chiqishi” (1884—1885) suratlari haqida ketmoqda.

Bu suratlar 2002-yili Amsterdamdagi Van Gog muzeyidan o‘g‘irlab ketilgan edi.

Xabar berishlaricha, kartinalar politsiya tekshiruvi chog‘ida topilgan va yaxshi holatda saqlangan. Ularning qachon Niderlandiyaga qaytarilishi ma’lum qilinmadi.