Samolyot bortida yonib ketgan Samsung plansheti favqulodda qo‘nishga sabab bo‘ldi

Detroytdan Amsterdamga yo‘l olgan Delta Airlines aviakompaniyasi samolyoti Manchester (Angliya) aeroportida favqulodda qo‘nishni amalga oshirdi. Bunga layner bortida yonib ketgan Samsung plansheti sabab bo‘ldi, deya xabar bermoqda “RBK”. 

Salonda tutun ko‘tarilib, kuyindi hidi paydo bo‘lgach, Boeing 767-400 layner uchuvchilari samolyotni qo‘ndirishga qaror qilgan.

Ma’lum bo‘lishicha, o‘rindiqlar orasida qolib ketgan planshet alanga olgan. Uni bundan avvalgi reys yo‘lovchilaridan biri unutib qoldirgani taxmin qilinmoqda. 

Samolyot qo‘nganidan so‘ng, texnik xodimlar zararlangan o‘rindiqni almashtirib bo‘lgunicha uch soat davomida aeroportda qolib ketdi.