Самолёт бортида ёниб кетган Samsung планшети фавқулодда қўнишга сабаб бўлди

Детройтдан Амстердамга йўл олган Delta Airlines авиакомпанияси самолёти Манчестер (Англия) аэропортида фавқулодда қўнишни амалга оширди. Бунга лайнер бортида ёниб кетган Samsung планшети сабаб бўлди, дея хабар бермоқда «РБК». 

Салонда тутун кўтарилиб, куйинди ҳиди пайдо бўлгач, Boeing 767-400 лайнер учувчилари самолётни қўндиришга қарор қилган.

Маълум бўлишича, ўриндиқлар орасида қолиб кетган планшет аланга олган. Уни бундан аввалги рейс йўловчиларидан бири унутиб қолдиргани тахмин қилинмоқда. 

Самолёт қўнганидан сўнг, техник ходимлар зарарланган ўриндиқни алмаштириб бўлгунича уч соат давомида аэропортда қолиб кетди.