O‘zbekiston Prezidenti vazifasini bajaruvchi Shavkat Mirziyoyev 18-sentabr, yakshanba kuni Toshkent shahrining bir qator tumanlarida bo‘lib, amalga oshirilayotgan bunyodkorlik va obodonlashtirish ishlari, kuzgi-qishki mavsumga tayyorgarlik holati bilan bevosita tanishdi. Bu haqda “Toshkent oqshomi” gazetasi xabar bermoqda.
Xabar berishlaricha, shaharning Yunusobod tumanini Mirzo Ulug‘bek tumani bilan bog‘laydigan yangi yo‘l barpo etish loyihalari bevosita joyida atroflicha muhokama qilingan.
Loyihalarga ko‘ra, bunda Yangi shahar ko‘chasini Bog‘ishamol ko‘chasi bilan tutashtiradigan 1100 metrdan iborat yangi avtomobil yo‘li hamda Bo‘zsuv kanali ustidan 510 metrli ko‘prik qurilishi ko‘zda tutilgan.
Ushbu obyektlardagi qurilish ishlarini 2017-yil mart oyida to‘liq va sifatli yakunlash yuzasidan zarur chora-tadbirlarni amalga oshirish to‘g‘risida topshiriqlar berilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)