Shimoliy Koreya yangi raketa dvigatelining sinovini muvaffaqiyatli o‘tkazdi: 200 soniya davom etgan sinov chog‘ida barcha texnik tizimlar barqaror ishladi. Bu haqda, Koreya markaziy telegraf agentligiga asoslanib, “TASS” xabar berdi.
KXDR yetakchisi Kim Chen In Pxyonan-Pukto provinsiyasidagi Soxe tajriba poligoniga tashrif buyurdi va geostatsionar sun’iy yo‘ldoshni uchirish uchun mo‘ljallangan yangi turdagi raketa dvigateli sinoviga rahbarlik qildi.
U “mamlakatdagi murakkab iqtisodiy holatga qaramay” mazkur dvigatelni yaratishga erishgan olimlar va texnologlarni maqtadi, ushbu muvaffaqiyatli sinov asosida qisqa muddatda sun’iy yo‘ldosh parvozini amalga oshirishga chaqirdi.
“KXDR ikki yildan so‘ng o‘zining geostatsionar sun’iy yo‘ldoshlariga ega bo‘lishi lozim”, — deya ta’kidladi Shimoliy Koreya yetakchisi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)