Шимолий Корея янги ракета двигателининг синовини муваффақиятли ўтказди: 200 сония давом этган синов чоғида барча техник тизимлар барқарор ишлади. Бу ҳақда, Корея марказий телеграф агентлигига асосланиб, «ТАСС» хабар берди.
КХДР етакчиси Ким Чен Ин Пхёнан-Пукто провинциясидаги Сохэ тажриба полигонига ташриф буюрди ва геостационар сунъий йўлдошни учириш учун мўлжалланган янги турдаги ракета двигатели синовига раҳбарлик қилди.
У «мамлакатдаги мураккаб иқтисодий ҳолатга қарамай» мазкур двигателни яратишга эришган олимлар ва технологларни мақтади, ушбу муваффақиятли синов асосида қисқа муддатда сунъий йўлдош парвозини амалга оширишга чақирди.
«КХДР икки йилдан сўнг ўзининг геостационар сунъий йўлдошларига эга бўлиши лозим», — дея таъкидлади Шимолий Корея етакчиси.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)