Bishkekdan Nyu-Yorkka Istanbuldagi Otaturk nomli aeroport orqali ketayotgan Qirg‘iziston prezidenti Almazbek Atambayev o‘zini yomon his qildi, buning natijasida u zudlik bilan tibbiy ko‘rikdan o‘tkazildi. Bu haqda, prezident matbuot xizmatiga asoslanib, KNews xabar bermoqda.
Ko‘rikdan so‘ng shifokorlar ko‘kragidagi og‘riqdan shikoyat qilgan prezidentni darhol chuqurlashtirilgan tekshiruvdan o‘tkazish lozimligi borasida yagona fikrga keldi. Dastlabki tashxisga ko‘ra, Qirg‘iziston yetakchisida yurak bilan bog‘liq muammolar belgilari kuzatilgan.
Ma’lum qilinishicha, shu munosabat bilan Atambayev tibbiy ko‘rikdan o‘tkaziladi va bir muddat shifokorlar nazorati ostida bo‘ladi.
BMT Bosh Assambleyasining Nyu-Yorkda o‘tadigan 71-sessiyasida Qirg‘iziston delegatsiyasiga tashqi ishlar vaziri Erlan Abdildayev rahbarlik qiladigan bo‘ldi.
Izoh (0)