Rio–2016 Olimpiya o‘yinilarining 4 karra chempioni va bronza medali sohibi, amerikalik gimnastikachi Simona Baylz taqiqlangan preparatlar qabul qilganini va bundan uyalmasligini ma’lum qildi, deb xabar bermoqda “Vesti.ru”.
Olimpiada chempioni taqiqlangan preparatlarni e’tibor tanqisligi va giperfaollik sindromi tufayli qabul qilgan.
19 yoshli Simona Baylzning bayonoti Fancy Bears guruhidagi xakerlarning Xalqaro antidoping agentligi (WADA) ma’lumotlar bazasini buzib, mojara keltirib chiqargan hujjatlarni chop etganidan so‘ng e’lon qilindi.
Ma’lum bo‘lishicha, bir necha amerikalik sportchilar WADA’ning ruxsati bilan doping qabul qilgan. Taqiqlangan preparatlarni qabul qilish bo‘yicha opa-singil tennischilar Serena va Vinus Uilyamslarga, Simona Baylzga va basketbolchi Yelena Della Donnga ruxsat berilgan.
2016-yilning avgust oyida Simona Baylz va Della Donndan olingan doping namunalar ijobiy bo‘lib chiqqan. Ayni vaqtda, bu holat ularga Rio–2016 Olimpiadasida ishtirok etib, oltin medallarga erishish uchun xalal bermagan.
E’tibor tanqisligi va giperfaollik sindromi yoshlikdan rivojlanishning buzilishiga olib keladi. Bir qator shifokor, pedagog va mutaxassislar ushbu sindromni kasallik deb hisoblashga ishonchi komil emas.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)