Facebook va Twitter ijtimoiy tarmoqlarda uydirma yangiliklarga qarshi kurashish maqsadida New York Times, Washington Post, BuzzFeed News, AFP, CNN kabi 30 dan ortiq mediakompaniyalar qatoriga qo‘shildi. Bu haqda TJournal xabar bermoqda.
Mazkur ijtimoiy tarmoqlar 2015-yil iyunida yo‘lga qo‘yilgan va Google ham qo‘llab-quvvatlagan First Draft Coalition loyihasi qatnashchilariga aylandi.
Loyiha mualliflari kompaniyalar uchun ushbu yo‘nalishda qo‘llanma ishlab chiqilishi, ijtimoiy tarmoq foydalanuvchilari o‘rtasida mediasavodxonlikni ilgari surish, shuningdek, foydalanuvchilar yangiliklarni tasdiqlashi yoki inkor etishi mumkin bo‘lgan platformani ishga tushirishlarini ma’lum qilgan edi.
Platforma oktabr oxirida faoliyatini boshlashi ko‘zda tutilgan.
Ikki yirik ijtimoiy tarmoqning loyihada ishtiroki mohiyati hozircha biroz mavhum bo‘lib qolmoqda. Facebook va Twitter soxta yangiliklar tarqatilishi tufayli bir necha bor tanqid ostiga olingan, ularning algoritmlar yordamida bunga qarshi kurashish choralari samarasiz yakunlangan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)