Yaponiyaning NEC korporatsiyasi xodimlarni tanlab olish tizimini yaratdi, u kelajakda muassasalardagi kadrlar bo‘limlari o‘rnini qariyb to‘liq bosishi mumkin, deb yozadi “TASS”.
Ushbu dasturning joriy qilinishi nomzodning dastlabki suhbatni inson bilan emas, kompyuter bilan olib borishini nazarda tutadi. Dasturiy ta’minot yordamida, berilgan rezyume, shuningdek, sinov testlari avtomatik tarzda tahlil qilinadi. Ma’lumotlar asosida kompyuter haqiqiy kadrlar bo‘limi xodimlariga ishga yollash borasida tavsiyalar beradi.
Ishlab chiquvchilar fikriga ko‘ra, ushbu dasturdan foydalanish kadrlar bo‘limi mutaxassislari uchun xarajatlarni kamaytirish imkonini beradi, shuningdek, mutaxassislarni saralashning ilk bosqichida inson faktorini istisno qiladi.
Kelajakda muhandislar “gavda tili”ni avtomatik ravishda aniqlash dasturini oxirigacha yetkazmoqchi, bu lavozimga da’vogar shaxsning to‘liqroq portretini tuzish imkonini beradi.
Izoh (0)