“Lokomotiv”ga qarshi OChL yarim finali yo‘lida maydonga tushish uchun “Al-Ayn” Toshkent shahriga yetib keldi

BAAning “Al-Ayn” futbol klubi 11-sentabrdan 12-sentabrga o‘tar kechasi Toshkentga yetib keldi, deb xabar berdi “Championat.asia”.

Toshkentning “Lokomotiv” va BAAning “Al-Ayn” klublari o‘rtasidagi Osiyo Chempionlar Ligasi chorak finalining dastlabki uchrashuvi 0:0 hisobida yakuniga yetgandi. Tomonlarning javob to‘qnashuvi 13-sentabr kuni “Bunyodkor” stadionida bo‘lib o‘tadi. Uchrashuv 19:00 ga tayin qilingan.

“Lokomotiv” OChLning 2016-yilgi mavsumida 9 ta uchrashuv o‘tkazgan bo‘lib, ularning hech birida mag‘lubiyat alamini totib ko‘rmagan. 13-sentabr kunidagi g‘alaba “temiryo‘lchilar”ni Osiyo qit’asi klublarining eng nufuzli turniri yarim finaliga olib chiqadi.

Bunga qadar “Paxtakor” bir marta, “Bunyodkor” esa ikki marta OChL yarim finalida to‘p surishga muvaffaq bo‘lgan.