Massachusets texnologiya instituti tadqiqotchilari tasvirlarni tanib olish tizimini ishlab chiqdi, u bir dasta qog‘ozdagi matnni farqlash hamda shakli o‘zgargan va yarmi o‘chgan harflarni tanib olishga qodir, deb yozadi “Gazeta.ru”.
Texnologiya, chastotalari mikroto‘lqinli va infraqizil nurlanishlar o‘rtasida bo‘lgan tetragers diapazondagi nurlanishlarga asoslangan. Tetragers to‘lqinlar uchun dielektriklar (masalan, yog‘och-taxta, qog‘oz) o‘tkazuvchan hisoblanadi, ammo bunday nurlar metall va suv orqali o‘ta olmaydi. Turli kimyoviy moddalar ularni turlicha yutadi, aynan shu narsa ushbu turdagi nurlanishni qog‘ozdagi siyoh bilan qoplangan qismlarni farqlash uchun qo‘llash imkonini beradi.
Olimlar aytishicha, tizim har bitta varaqga bittadan harf chop etilgan qog‘oz dastasida sinab ko‘rilgan. U eng tepa qismdagi to‘qqizta sahifada yozilgan harflarni xatosiz aniqlashga qodirligi ma’lum bo‘ldi. Jorjiya texnologiya instituti bilan hamkorlikda yozilgan algoritm, shuningdek, shakli o‘zgargan yoki noto‘liq bo‘lgan harflar tasvirlarini ham taniy oladi.
Tadqiqotchilar texnologiya arxeolog va tarixchilarga qo‘l kelishi mumkinligiga, ular undan antikvar kitoblarga zarar yetkazmaslik uchun, ularni ochmasdan o‘qishda yordam berishiga ishonchi komil.
Izoh (0)