Facebook asoschilaridan biri Dastin Moskovits AQSh prezidentligiga saylovlarda Respublikachilar partiyasidan nomzod Donald Tramp g‘alaba qozonishiga yo‘l qo‘ymaslik uchun 20 million dollar ajratadi. Bu haqda u 9-sentabr, juma kuni Medium blogidagi sahifasida ma’lum qildi, deya xabar beradi “TASS”.
“Demokratlar uchun ovoz berayotgan ko‘pchilik kabi ularning siyosiy dasturidagi har bir bandni yoqlamaymiz, biroq agar Klinton saylovlarda yutsa, Amerika biz ko‘rishni istayotgan dunyoga birmuncha yaqinroq kelishi aniq. Mabodo Donald Tramp g‘olib chiqsa, mamlakat ortga qaytadi va dunyo hamjamiyatidan yakkalanib qoladi”, — deya ta’kidlaydi Moskovits.
Ma’lum bo‘lishicha, 20 million dollar bir necha siyosiy fondlarga taqsimlanadi va ulardan atigi bir qismi to‘g‘ridan-to‘g‘ri Hillari Klintonning saylovoldi kampaniyasini qo‘llab-quvvatlash fondiga ajratiladi.
Izoh (0)